7 yil avval sodir etilgan terakt yetakchisi umrbod qamoq jazosiga hukm qilindi

2015 yilgi Parij teraktlarida asosiy ayblanuvchi Saloh Abdusalam umrbod qamoq jazosiga hukm qilindi. Sud qaroriga ko‘ra, mahkum erta ozod qilish uchun ariza berish huquqiga ega bo‘lmaydi. U qotillikda va terroristik hujumni tayyorlashda ishtirok etganlikda aybdor deb topildi. Bu haqda France-Presse agentligi xabar bermoqda.

Ushbu ishni ko‘rib chiqish uchun maxsus tuzilgan sud hujumga aloqador bo‘lgan jami 20 nafar mahkumni qamoq jazosiga hukm qildi. Xususan, Abdusalamning sheriklaridan biri Muhammad Abrini ham umrbod qamoq jazosini oldi, biroq u kamida 22 yil panjara ortida o‘tirgandan keyin muddatidan oldin ozod qilishni so‘rash huquqiga ega. Bu holatda eng yengil jazo ikki yillik qamoq jazosidir.

Abdusalam va yana 13 nafar ayblanuvchi sud majlislarida shaxsan ishtirok etdi. Qolgan olti kishiga nisbatan sud jarayoni ularning ishtirokisiz o‘tadi. Besh nafar ayblanuvchi Suriyadagi havo hujumlarida halok bo‘lgan deb taxmin qilinmoqda.

Fransiya ommaviy axborot vositalari bu misli ko‘rilmagan sud jarayoni ekanligini ta’kidladi. Da’vogarlar 1,8 mingdan ortiq kishi edi. Sud jarayonida yuzlab guvohlar so‘roq qilindi.

Sud boshlanishiga tayyorgarlik taxminan ikki yil davom etdi, buning uchun xavfsizlik choralari kuchaytirilgan uchrashuvlar uchun maxsus xona qurildi. Sud majlislari 2021 yil sentyabr oyida boshlangan.

Ayblanuvchilarga turli ayblovlar qo‘yilgan. Ularning asosiy qismi, tergov ma’lumotlariga ko‘ra, terrorchilik hujumlarini rejalashtirishda moddiy-texnik yordam ko‘rsatgan.

2015 yilning 13 noyabr kuni terrorchilar Parij ko‘chalarida, “Bataklan” konsert zalida va “Stad de Frans” stadioni yaqinida qator hujumlar uyushtirdi. Hujumchilarning kamarlarida avtomatik qurollar, shuningdek, portlovchi qurilmalar bo‘lgan. Hujumlar natijasida 130 kishi halok bo‘ldi, ulardan 89 nafari Bataklanda bo‘lgan. 300 dan ortiq kishi jarohatlangan.

Oynisaxon Abdullayeva