2 mlrd dollarlik sirli bitkoin hamyoni 14 yil deganda “jonlandi”

Joriy yilning 3-4 iyul kunlari egasi noma’lum bo‘lgan ikkita sirli kriptovalyuta hamyoni 14 yillik sukutdan so‘ng yana faollashdi. Ularda hozirda 2 milliard dollardan ortiq mablag‘ saqlanmoqda. Bu haqda “The Block” nashri xabar berdi.

“Blokcheyn ma’lumotlariga ko‘ra, 14 yildan ortiq muddat davomida hech qanday operatsiya amalga oshirilmagan ikkita bitkoin hamyoni – har biri 10 ming BTC saqlovchi manzil 3 va 4 iyul kunlari qayta faollashdi”, deyiladi xabarda.

Ma’lum bo‘lishicha, ushbu “uxlab yotgan” (ya’ni, hech qanday tranzaksiya qilinmagan) hamyonlar 14 yil davomida “qimir etmagan”. O‘sha vaqtda ularning umumiy qiymati atigi 7 800 dollar bo‘lgan, bugungi kunda esa ularning har biri 1,1 milliard dollarga baholanmoqda. Bu – 13 982 800 foiz o‘sishni anglatadi.

Shuningdek, bitkoin narxi 3 iyul kuni 2 foizdan ko‘proqqa oshib, joriy yilning 11 iyunidan buyon ilk bor 110 ming dollardan yuqori ko‘rsatkichga yetdi.