Qozog‘istonliklar bugun yangi Prezidentni saylaydi

Xabaringiz bor, bugun, 9 iyun kuni Qozog‘istonda navbatdan tashqari Prezident saylovi bo‘lib o‘tmoqda. 

Bundan avval, 20 mart kuni mamlakat sobiq Prezidenti Nursulton Nazarboyev o‘z xohishiga ko‘ra iste’fo berib, vakolatlarini Senat raisi Qosim-Jomart Toqayevga topshirgan edi. Mamlakatni 30 yil boshqargan Nazarboyevga Elboshi rutbasi berilgandi.  

Ma’lumot uchun, Prezidentlik saylovlarida Qosim-Jomart Toqayev, Jambil Axmetbekov, Daniya Yespayeva, Toleutay Rahimbekov, Amirjan Kosanov, Sadibek Tugel va Amangeldi Taspixovlar kurash olib bormoqda. 

Saylovda ovoz berish soat 6:00 dan boshlangan va soat 20:00 da yakuniga yetadi. 

Qozog‘iston markaziy saylov komissiyasiga ko‘ra, saylovlarda 11 947 995 kishi qatnashadi.  Ayni paytga kelib, saylovchilarning 35 foizi ovoz berib ulgurishgan. 

Shuningdek, saylovda mamlakatning amaldagi Prezidenti Qosim-Jomart Toqayev va Bosh vazir Asqar Mamin ham ovoz berdi. 

Saylovda g‘alaba qozongan nomzod 5 yillik muddatga saylanadi. Prezident etib saylanish uchun nomzod kamida 50 foizdan ko‘proq ovoz to‘plashi lozim.

Akbar Jiyanov