Toshkentning “Shohsaroy Uylari”da nima gaplar?

Bugun poytaxt Toshkentning qaysi nuqtasiga qaramang qurilish jarayoniga guvoh bo‘lasiz. Ularning aksariyati talab yuqori bo‘lgan turar joy binolaridir. To‘g‘ri, ularning ko‘pchiligi sifatsiz. Ammo shunday qurilish kompaniyalari borki, ular o‘z ishining ustasi. Bu galgi maqolada mana shunday kompaniyalardan biri bo‘lgan “Shohsaroy Uylari” haqida bilib olasiz.

“Shohsaroy Uylari” ancha yillik tajribaga ega O‘zbekistondagi qurilish kompaniyalardan biri bo‘lib, hozirgi kunga qadar birgina poytaxtning o‘zida uch loyiha doirasida yuzlab xonadonlarni o‘z egalariga topshirdi. Ayni damda esa kompaniya poytaxt Toshkentning Yashnobod tumanida joylashgan “Sokin Diyor” nomli turar-joy qurilishini boshlagan. Mazkur loyiha bo‘yicha direktor Sanjar Ravshanovning aytishicha, birgina “Sokin Diyor” loyihasida bir yarim mingdan ortiq xonadonlar quriladi.

“Bizning “Shohsaroy Uylari” qurilish kompaniyamiz 2019 yildan buyon faoliyat ko‘rsatib kelmoqda. Hozirgacha Yunusobod tumanida uchta loyihani amalga oshirdik. Mana shu loyihalar doirasida besh yuzga yaqin turar-joy xonadonlari hamda yuzga yaqin savdo-maishiy binolarini o‘z egalariga topshirdik. Bizning to‘rtinchi loyihamiz Yashnobod tumanida joylashgan “Sokin Diyor” turar-joy majmuasi bo‘lib, bu yerda 1 600 ga yaqin xonadonlar barpo etiladi”, deydi u.

“Sokin Diyor” loyihasi injenerlik masalalari bo‘yicha boshqaruvchisining so‘zlariga ko‘ra, Yashnobod tumanida qurilayotgan majmua 16 qavatdan iborat 7 turdagi 18 ta binodan tashkil topadi. Loyihaning umumiy maydoni esa 2,15 gektar.

“Biz qurayotgan binolarning afzalligi turar-joy atrofida bolalar maydonchasi, bog‘cha, avtoturargohlarning mavjudligida. Binolarning har birida ikkitadan lift joylashgan bo‘lib, biri aholi uchun, ikkinchisi esa yuklar uchun mo‘ljallangan. Binolar 8 ballgacha bo‘lgan zilzilaga bardosh bera oladi. O‘zbekiston Fanlar akademiyasi O‘rozboyev nomidagi ilmiy-tekshirish instituti tomonidan asoslanib loyihaga ruxsat berilgan”, deydi u.

 Shuningdek, loyiha hududida 24/7 formatda video kuzatuv, yerosti va yerusti avtoturargohlari, sport maydonchalari, savdo majmualari va yashil hudud mavjud. Uning yangi qurilayotgan boshqa uylardan asosiy farqi shundaki, binolarda zamonaviy dizayndagi tashqi ko‘rinish, mustahkam oynali balkonlar, issiq va sovuqdan himoyalovchi – bazalt qoplamali tashqi devorlar mavjud. Uylardagi liftlar esa quyosh panellari yoki generatordan zaryad olgan holda ishlaydi. Elektr o‘chib qolgan taqdirda ham liftdan bemalol foydalanish mumkin.

“Sokin Diyor” loyihasi qurilish jarayonini boshqarayotgan mutaxassisning so‘zlariga ko‘ra, binoda ishlatilayotgan qurilish ashyolari sifatli bo‘lib, ular xalqaro talablarga bemalol javob bera oladi.

“Ayni damda biz “Shohsaroy Uylari” qurilish kompaniyasining to‘rtinchi loyihasi qurilishini boshlab yubordik. Bu binolar yuqori sifatli qurilish ashyolaridan barpo etiladi. Armaturalari Rossiya Federatsiyasidan olib kelingan bo‘lib, A400 hamda A500 sinflariga mansub. Hozirda poydevor ishlari olib borilmoqda, undan keyin konstruksiyaning beton ishlarini boshlaymiz. Binoda ishlatiladigan beton mahsuloti ham M350 markada turi bo‘lib, uning mustahkamligi yuqori. Kelishilganidek ikki yilda uylarni o‘z egasiga topshiramiz”, deydi u.

Turar-joy binosidagi xonadonlarning sotuvi boshlangan bo‘lib, xaridorlar uchun bir qancha taklif berilgan. Ulardan biri bu muddatli to‘lov bo‘lib, unda kelishilgan holda boshlang‘ich to‘lovdan keyingi summani ma’lum vaqt mobaynida to‘lash imkoni mavjud.

“Shu mahallada yaqin joyda yashaganimiz uchun “Shohsaroy Uylari” kompaniya qurayotgan uylar bizga ma’qul tushdi. Biz bu joydan ikkita uy sotib oldik. Eng avvalo bizga narx-navosi hamda chiroyli qurilayotgani to‘g‘ri keldi. Shuningdek, bu uylarning maydoni va qurilish ashyolari ma’qul tushdi. “Shohsaroy Uylari” kompaniyasi ishchilari bizga yaxshi qulayliklar yaratib berishadi, hech qanday muammoga duch kelmadik. Kompaniyaga muvaffaqiyat tilab qolaman”, deydi u.

Ayni kunlarda “Shohsaroy Uylari” kompaniyasining “Sokin Diyor” loyihasida 2 foizdan 12 foizgacha bo‘lgan chegirmalar e’lon qilingan bo‘lib, arzon narxda sifatli uylarni xarid qilish mumkin.

Xulosa qilib aytganda, “Shohsaroy uylari” qurilish kompaniyasining “Sokin Diyor” loyihasi endigina qurilayotgan bo‘lishiga qaramay, o‘zining sifati bilan ko‘pchilikning diqqat markaziga tushdi. Bugun poydevor qismi qurilayotgan binolar hademay bir necha qavatlarga ega bo‘ladi.

Batafsil ma’lumot olish uchun: +998-55-504-99-99

Manzil: shu yerda 

Ijtomoiy tarmoq sahifalar:

Batafsil ma’lumot uchun saytimizga tashrif buyuring http://shohsaroy.uz/

Telegram kanalimizga a’zo bo‘ling

Instagram’da yangiliklardan boxabar bo‘ling

Facebook’da do‘stlaringiz bilan bo‘lishing

YouTube'da bizni kuzatib boring 

Reklama huquqi asosida