Lava “og‘zida”gi ona-bola, olov ichida qolgan qishloq. Ispaniyani yoqayotgan vulqon tasvirlarda
Bu qiziq
−
19 Oktabr 2021
7870Ispaniyaning Palma orolida bir oydan buyon Kumbre-Vexa vulqoni otilishi davom etmoqda. Lava oqimlari taxminan 740 gektar maydonni yoqib yuborgani aytilgan. Mutaxassislarning fikricha, lava 400 dan ortiq binolarni vayron qilgan, ularning aksariyati turar-joy binolari.
Tabiiy ofat zonasidan 6 mingdan ortiq odam evakuatsiya qilingan. Prognozlarga ko‘ra, vulqon otilishi 24 dan 84 kungacha davom etishi mumkin. Orolda joylashgan ko‘plab qishloqlarning aholisi evakuatsiya qilingan. Quyida bir oydan beri tinmayotgan vulqon otilishidan olingan haratomuz suratlarni e’tiboringizga havola etamiz.
9 oktyabr. Kumbre-Vexada 1971 yildan beri kuzatilgan birinchi vulqon harakati. U 4 haftadan beri otilishda davom etmoqda.
19 sentyabr kuni Kanar orollari arxipelagi tarkibidagi Palma orolida Kumbre-Vexa vulqoni uyg‘ondi. Lava oqimi yaqin atrofdagi kichik qishloqlarga yetib kelgan.
22 sentyabr. Oroldagi aeroportga kiruvchi va chiquvchi reyslar bekor qilingan. Lava aholining uylarigacha yetib borgan va bir qancha yo‘llarni o‘tishga imkonsiz qilib qo‘ygan.
28 sentyabr. Lava harakatining tezligi taxminan, 700 metr/soatni tashkil qilmoqda. Bu vaqtga kelib, lava allaqachon o‘nlab uylarni vayron qilgan.
2 oktyabr. Bir ayol bolasi bilan tepalikka chiqib, Kumbre-Vexa vulqoni otilishini tomosha qilmoqda.
20 sentyabr. Palma oroli hukumati 5 ming aholini evakuatsiya qilishga majbur bo‘ldi. 85 mingga yaqin aholi yashaydigan orolda vulqon otilishidan oldin, taxminan bir hafta mobaynida seysmik faollikning oshishi kuzatilgan.
Odamlar vulqon otilishi oqibatida paydo bo‘lgan tutundan himoyalanmoqda.
6 oktyabr. Ispaniya fuqarolik gvardiyasi qayig‘i.
14 oktyabr. Vulqonshunos Stavros Meletidesning aytishicha, vulqon yonbag‘rida beshta yoriq paydo bo‘lgan, ayni paytda hech kim uning qancha davom etishini ayta olmaydi. Hozircha qurbonlar haqida hech qanday ma’lumot yo‘q, lekin orol ma’murlari bir nechta yo‘llar shikastlangani haqida xabar bergan.
LiveBarchasi
07 noyabr 2023
07 noyabr 2023
07 noyabr 2023