Husiylar Qizil dengizda ikkita neft tankeriga hujum qildi

Yaman husiylari kecha, 2 sentyabr kuni Qizil dengizda ikkita neft tankeriga hujum qildi. Bu haqda AQSH harbiylari bayonot berdi. 

AQSH hujumlarni “terrorchilik harakati” deb atadi. Saudiya Arabistoni bayrog‘i ostida suzayotgan Amjad tankeri va Panama bayrog‘i ostida suzib kelayotgan Blue Dragon I tankeriga hujum uyushtirildi.

“Husiylar 2 sentyabr kuni kechqurun Blue Lagoon’da sodir etilgan hujum uchun javobgarlikni o‘z zimmasiga oldi, biroq Saudiya tankeri haqida hech narsa aytmadi”, deya xabar beradi “Reuters”.

AQSH Markaziy qo‘mondonligining ma’lum qilishicha, husiylar tankerlarga ikkita ballistik raketa va kamikadze droni bilan hujum qilib, ikkala kemani ham urgan. Qo‘mondonlik bayonotiga ko‘ra, Amjad ikki million barrelga yaqin neft olib yurgan.

“Reuters”ning ikki manbasi agentlikka tankerlar to‘qnashuv vaqtida yaqin atrofda sayohat qilgani, ammo jiddiy zarar ko‘rmasdan suzib ketishni davom ettirishga muvaffaq bo‘lganini aytdi. Shu bilan birga, agentlik manbalaridan biri Amjad zarbaning bevosita nishoni ekanligiga shubha qildi.

Markaziy qo‘mondonlik alohida bayonotda AQSH harbiylari Yamanning husiylar nazorati ostidagi hududida ikkita raketa tizimini muvaffaqiyatli yo‘q qilganini aytdi. Bayonotda ta’kidlanishicha, ushbu tizimlar AQSH va koalitsiya kuchlari, shuningdek, mintaqadagi savdo kemalari uchun “tezkor xavf tug‘diradi”.