Husanov qishda “Lans”dan ketadi
Sport
−
08 yanvar 6880
Fransiyaning “Lans” klubi qishki transfer oynasida o‘zbekistonlik himoyachi Abduqodir Husanovni aniq sotadi. Bu haqda “Lans” boshqaruv direktori Per Dreossi ma’lum qildi.
Ma’lum bo‘lishicha, “Lans” hozircha Husanov transferi bo‘yicha o‘zini qoniqtiradigan moliyaviy taklif olmagan va klubga qachonki yaxshi taklif kelib tushsa, Husanov sotiladi.
“Abduqodir Husanov haqiqatan ham klubimizni tark etadi. Hozircha bizni qoniqtiradigan taklifni olganimiz yo‘q”, deydi Per Dreossi.
Ma’lumot uchun, 20 yoshli Husanov joriy mavsum “Lans” safida Liga 1 doirasida 13 ta o‘yinda maydonga tushdi. Hozirda unga Fransiya chempionatining eng istiqbolli yosh himoyachilaridan biri sifatida qaralmoqda.
Eslatib o‘tamiz, avvalroq mashhur karikaturachi Hamid Sahari Husanov haqida o‘z ijodiy ishini e’lon qilgandi.
Live
Barchasi
