Зулфия номидаги Давлат мукофоти совриндорлари аниқланди

Зулфия номидаги давлат мукофоти билан тақдирлаш тўғрисида Ўзбекистон Республикаси Президентининг қарори

Мамлакатимизда мўътабар аёл зотига муносиб ҳурмат-эҳтиром кўрсатиш, уларнинг жамиятимиздаги ўрни ва нуфузини ошириш, соғлом ва баркамол авлодни вояга етказиш, ўзининг иқтидори ва ибратли фаолияти билан ёшларга ўрнак бўлиб келаётган, турли соҳа ва тармоқларда қобилият ва имкониятларини рўёбга чиқараётган, ижтимоий ҳаётда фаоллик ва ташаббускорлик кўрсатаётган қизларни муносиб рағбатлантириш мақсадида ҳамда Ўзбекистон Республикаси Президентининг «Зулфия номидаги Давлат мукофотини таъсис этиш бўйича таклифларни қўллаб-қувватлаш тўғрисида»ги 1999 йил 10 июндаги ПФ-2326-сонли ва «Хотин-қизларни қўллаб-қувватлаш ва оила институтини мустаҳкамлаш соҳасидаги фаолиятни тубдан такомиллаштириш чора-тадбирлари тўғрисида»ги 2018 йил 2 февралдаги 
ПФ-5325-сонли Фармонларига асосан: 

1. Ўзбекистон Хотин-қизлар қўмитаси ҳузуридаги Зулфия номидаги 
Давлат мукофоти комиссиясининг Қорақалпоғистон Республикаси, вилоятлар ва Тошкент шаҳрининг иқтидорли қизларини аъло хулқи, ноёб истеъдоди, зукколиги, ташаббускорлиги, ўқишдаги муваффақиятлари ҳамда таълим, фан, адабиёт, маданият, санъат, спорт соҳаларида ва жамоатчилик фаолиятида эришган алоҳида ютуқлари учун Зулфия номидаги Давлат мукофоти билан тақдирлаш тўғрисидаги таклифлари иловадаги рўйхатга мувофиқ маъқуллансин. 

2. Зулфия номидаги Давлат мукофоти билан тақдирланганларга 8 март – Халқаро хотин-қизлар куни муносабати билан ўтказиладиган байрам тантаналарида совриндорлик дипломлари ва кўкрак нишонлари топширилсин. 

3. Ўзбекистон Республикаси Молия вазирлиги Зулфия номидаги Давлат мукофоти совриндорларининг ҳар бирига энг кам ойлик иш ҳақининг 50 баравари миқдорида пул мукофоти берилишини таъминласин. 

4. Ўзбекистон Миллий ахборот агентлиги, Ўзбекистон Миллий телерадиокомпанияси ва бошқа оммавий ахборот воситаларига Зулфия номидаги Давлат мукофоти соҳибаларининг ибратли фаолияти, уларнинг ноёб истеъдоди ва эришган ютуқларини кенг ёритиб бориш тавсия этилсин. 

5. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Т.Норбоева зиммасига юклансин. 
Ўзбекистон Республикаси 
Президенти                                       Ш.МИРЗИЁЕВ 
Тошкент шаҳри, 
2019 йил 2 март 

Ўзбекистон Республикаси Президентининг
2019 йил 2 мартдаги
ПҚ-4218-сонли қарорига илова

Зулфия номидаги Давлат мукофоти билан тақдирланганлар 

Р Ў Й Х А Т И

Каипназарова Сапура Жалгасбай қизи   –   Қорақалпоқ давлат университетининг 3-босқич талабаси 

Тулиева Сарвиноз Абдулла қизи   –   Тошкент давлат аграр университетининг Нукус филиали қошидаги Тўрткўл академик лицейи 3-босқич ўқувчиси 

Мухторжонова Хуснигул Нодирбек қизи   –   Андижон давлат тиббиёт институтининг 6-босқич талабаси 

Тожиддинова Ойгул Фозилжон қизи   –   Андижон вилояти Избоскан туманидаги «Айгул-текстиль» ишлаб чиқариш цехи бошлиғи 

Остонова Севарахон Саид қизи   –   Бухоро вилояти Қоракўл туманидаги 1-ихтисослаштирилган умумий ўрта таълим мактабининг 9-синф ўқувчиси 

Истамова Дилафрўз Ойбек қизи   –   Тошкент давлат юридик университетининг 2-босқич талабаси (Бухоро вилояти) 

Йўлчиева Зуҳра Умматқул қизи   –   Ўзбекистон Республикаси Ички ишлар вазирлигининг Жиззах академик лицейи 3-босқич ўқувчиси 

Умарова Сабина Султон қизи   –   Жиззах давлат педагогика институтининг 1-босқич талабаси
 
Алишерова Эъзоза Жамшид қизи   –   Қашқадарё вилояти Қарши шаҳридаги Абдулла Орипов номидаги ихтисослаштирилган умумий ўрта таълим мактаб-интернатининг 10-синф ўқувчиси 

Шукурова Моҳигул Боқиевна   –   Тошкент давлат аграр университетининг 3-босқич талабаси (Қашқадарё вилояти) 

Абдуллаева Рухсора Собировна   –   Навоий давлат кончилик институтининг 4-босқич талабаси 

Куватова Гулбону Муродуллаевна   –   Ўзбекистон ёшлар иттифоқининг Конимех тумани Кенгаши бош мутахассиси (Навоий вилояти) 

Абдулхамидова Гулшодабегим Камолиддин қизи   –   Наманган санъат коллежининг 3-босқич ўқувчиси 

Исманова Азизахон Махаммадали қизи   –   Ўзбекистон давлат санъат ва маданият институтининг 4-босқич талабаси (Наманган вилояти) 

Расулова Ҳилола Комил қизи   –   Самарқанд шаҳридаги 
51-ихтисослаштирилган умумий ўрта таълим мактабининг 11-синф ўқувчиси 

Қаноатова Мадина Рафиқ қизи   –   Самарқанд вилояти Оқдарё туманидаги 45-ихтисослаштирилган умумий ўрта таълим мактабининг 10-синф ўқувчиси 

Эргашева Шохиста Алижон қизи   –   Ўзбекистон давлат санъат ва маданият институтининг 1-босқич талабаси (Сирдарё вилояти) 

Зулфиқорова Азизахон Баҳодир қизи   –   Гулистон давлат университетининг 4-босқич талабаси 

Астанакулова Камилла Шухратовна   –   Сурхондарё вилояти Термиз шаҳридаги 1-умумий ўрта таълим мактабининг 
10-синф ўқувчиси 

Алиқулова Дилдора Шуҳрат қизи   –   Сурхондарё вилояти Термиз шаҳридаги 9-умумий ўрта таълим мактабининг 
11-синф ўқувчиси 

Шерзодова Хулкар Шерзод қизи   –   Тошкент темир йўл транспорти касб-ҳунар коллежининг 3-босқич ўқувчиси (Тошкент вилояти) 

Осипова Светлана Валерьевна   –   Тошкент вилояти Чирчиқ ихтисослаштирилган олимпия захиралари мактаб-интернатининг 3-босқич ўқувчиси 

Қурбонова Мохидил Улуғбек қизи   –   Фарғона давлат университетининг 
1-босқич талабаси 

Рўзибоева Паризода Муродали қизи   –   Фарғона вилояти Қўқон педагогика коллежининг 3-босқич ўқувчиси 

Отабоева Дастагул Азимбой қизи   –   Хоразм вилояти Урганч санъат коллежининг 3-босқич ўқувчиси 

Машарипова Зумрад Қучқорбоевна   –   Хоразм вилояти Янгибозор туманидаги 3-умумий ўрта таълим мактабининг бошланғич синф ўқитувчиси 

Умарова Нигорахоним Нуъмонжон қизи   –   Тошкент Халқаро Вестминстер университетининг 3-босқич талабаси 

Асадова Дилноза Жовлиевна   –   Р.Глиэр номидаги Республика ихтисослаштирилган мусиқа академик лицейининг 9-синф ўқувчиси (Тошкент шаҳри)