ЖССТ ҳантавирус бўйича янги ҳолатларни маълум қилди

Жаҳон соғлиқни сақлаш ташкилоти ҳантавирус билан касалланиш ҳолатлари 12 нафарга етганини, 3 киши вафот этганини маълум қилди.

Қайд этилишича, барча ҳолатлар MV Hondius круиз кемасида юз берган эпидемия билан боғлиқ.

Маълумотларга кўра, Нидерландия яна бир янги касалланиш ҳолатини тасдиқлаган. Касалланган шахс Испаниянинг Тенерифе оролида кемадан тушган, кейинчалик ватанига қайтарилган ва ўзини изоляция қилган.

Ҳозиргача 12 та касалланиш ҳолати ва 3 та ўлим қайд этилган. Жорий йилнинг 2 май куни ЖССТ биринчи ҳолат ҳақида хабар берган бўлса-да, шундан буён янги ўлимлар қайд этилмаган.

ЖССТ бош директори Тедрос Аданом Гебреесус зарар кўрган давлатларга карантин муддати тугагунига қадар барча йўловчилар ва экипаж аъзоларини қатъий назорат қилишни тавсия қилган.

Ҳозирда 30 дан ортиқ мамлакатда 600 дан ортиқ алоқада бўлган шахслар назоратга олинган. Юқори хавф гуруҳидаги контактларни аниқлаш ишлари давом этмоқда.

Эслатиб ўтамиз, аввалроқ Санитария-эпидемиологик осойишталик ва жамоат саломатлиги қўмитаси раисининг биринчи ўринбосари Нурмат Отабеков Ўзбекистонда ҳантавирус инфекцияси билан касалланиш ҳолатлари қайд этилмаганини айтганди.