Жастин Бибер Жаҳон чемпионати финалида чиқиш қилади
Спорт
−
11:21 1272 1 дақиқа
Канадалик хонанда Жастин Бибер 2026 йилги футбол бўйича Жаҳон чемпионати финали танаффусида саҳнага чиқади. Бу ҳақда FIFA матбуот хизмати хабар берди.
Маълум қилинишича, Бибер финал танаффусида чиқиш қиладиган ижрочилар сафига қўшилган. Аввалроқ ушбу дастурда америкалик хонанда Мадонна, колумбиялик Шакира ҳамда Жанубий Кореянинг BTS поп гуруҳи иштирок этиши айтилган эди.
2026 йилги Жаҳон чемпионати АҚШ, Канада ва Мексикада ўтказилмоқда. Турнир 19 июль куни якунланади. Финал учрашуви АҚШнинг Нью-Жерси штати Ист-Ратерфорд шаҳридаги “МетЛайф” стадионида бўлиб ўтади.
Эслатиб ўтамиз, айни пайтда турнир чорак финал босқичига етиб келган бўлиб, Франция, Марокаш, Испания, Бельгия, Норвегия, Англия, Аргентина ва Швейцария терма жамоалари Жаҳон чемпионлиги учун курашни давом эттирмоқда.
Live
Барчаси
