Жаҳон чемпионатининг очилишида бахтсиз ҳодиса содир бўлди (видео)

Кеча, 11 июнь куни Жаҳон чемпионатининг очилиш учрашуви – Мексика ва Жанубий Африка терма жамоалари баҳсидан бир неча дақиқа олдин “Ацтека” стадионида мухлис вафот этди. Бу ҳақда “Elbotola” хабар берди. 

Журналист Патрисия Эстраданинг маълум қилишича, 40 ёшли мухлис “Ацтека” стадиони ҳудудида ҳушидан кетган. Кейинчалик унинг юрак хуружига учрагани маълум бўлган. Шифокорларнинг тезкор ҳаракатларига қарамай, мухлиснинг ҳаётини сақлаб қолишнинг имкони бўлмаган.

Жаҳон чемпионатининг очилиш учрашувида Мексика терма жамоаси Жанубий Африкани 2:0 ҳисобида мағлуб этди. Голларга Хулиан Киньонес ва Рауль Хименес муаллифлик қилди.

Жаҳон чемпионатининг гуруҳ босқичи жорий йилнинг 11–27 июнь кунлари бўлиб ўтади. Унда ҳар бир жамоа учтадан учрашув ўтказади. Ҳар бир гуруҳдан биринчи ва иккинчи ўринни эгаллаган жамоалар, шунингдек, учинчи ўринни олган саккизта энг яхши жамоа плей-офф босқичига йўл олади.

Мусобақа давомида жами 104 та ўйин ўтказилиши режалаштирилган бўлиб, бу Жаҳон чемпионатлари тарихидаги рекорд кўрсаткич ҳисобланади.