Зеленскийнинг рафиқаси Қирол Чарльз билан учрашди

Украина биринчи хоними Елена Зеленская Буюк Британияга ташрифининг иккинчи куни Буюк Британия қироли Чарльз III билан учрашди, шунингдек, қиролича Камилла билан зиёфатда иштирок этди. 

Қирол Лондондаги Украина католик соборида янги Меҳмондўстлик марказини расман очиш учун Украина Биринчи хоними билан бирга бўлиб, у ерда ходимлар, кўнгиллилар ва Украинадан кўчирилганларнинг оилалари билан учрашди. 

Қайд этилишича, ушбу марказ Буюк Британияга келган Украина фуқароларига ёрдам бериш учун ташкил этилган бўлиб, Буюк Британияга келиш, қолиш ва узоқ муддат яшаш ҳақида барча керакли маълумотларни олиш учун алоқа нуқтасидир. Шунингдек, у украиналикларга ўз маданияти ва мероси билан мулоқотда бўлишга ёрдам берадиган ижтимоий марказ вазифасини бажаради.

Ўз навбатида, Зеленская Instagram’да бу Чарльз III нинг украиналиклар билан биринчи учрашуви эмаслигини айтди. 

"Мен Лондондаги Украина католик соборига ташриф буюрган Буюк Ҳазрати Қирол Чарльз III билан шахсан учрашиш шарафига муяссар бўлдим. Бу ерда Лондоннинг Украинани кутиб олиш маркази жойлашган. Бу олий ҳазратларининг биринчи марта вақт ва илиқ сўз топиши эмас”, деб ёзган Зеленская. 

Шунингдек, Украина биринчи хоними Буюк Британияда ҳар қадамда ўз ва украин халқига кўрсатилаётган юқори даражадаги ҳурмат ва эҳтиромни ҳис қилганини айтади. 

“Мен бутун украиналиклар номидан Бирлашган Қироллик Украинага кўрсатаётган ва кўрсатишда давом этаётган ёрдами учун миннатдорлик билдирдим, чунки бу ерда, Лондонда, ҳар қадамда, ҳар бир учрашувда мен бу қўллаб-қувватлаш қанчалик мустаҳкамланиб бораётганини ҳис қиляпман – ва бизнинг дўстлигимиз кучайиб боради”, дейди у.