Зеленский Москвага зарба бермаслиги керак – Трамп 

АҚШ Президенти Дональд Трамп Украина етакчиси Владимир Зеленский Россия пойтахтига зарба беришга буйруқ бермаслиги кераклигини айтди. Бу ҳақда у кеча, 15 июль куни Вашингтондан Пенсильванияга учишдан олдин журналистлар билан суҳбатда маълум қилди.

“Йўқ, у Москвани нишонга олмаслиги керак”, деди Америка етакчиси журналистлар саволларига жавоб берар экан.

Бир неча соат олдин Оқ уй матбуот котиби Кэролайн Ливитт Британиянинг “Financial Times” газетасида эълон қилинган Трампнинг Москва ва Санкт-Петербургга Украинанинг эҳтимолий зарбалари ҳақидаги сўзларини “контекстдан ташқарида” деб атади.

“Financial Times” секин уриш учун сўзларни контекстдан олиб ташлаши билан танилган, чунки у ўлаётган газета”, деди Ливитт.

Унинг сўзларига кўра, урушни тугатиш учун “тинимсиз” ишлаётган Трамп “кўпроқ ўлдиришни рағбатлантирмаган, шунчаки савол берган”.

Маълумот учун, “Financial Times” аввалроқ Трамп ва Украина президенти Владимир Зеленский ўртасида 4 июль куни бўлиб ўтган телефон суҳбати ҳақида хабар берган эди.

“Владимир, Москвага зарба бера оласизми? Санкт-Петербургга ҳам зарба бера оласизми?” деб сўраган Трамп Зеленскийдан. 
Нашрнинг ёзишича, ижобий жавоб олгач, АҚШ Президенти бу фикрни қўллаб-қувватлашини билдирган.

“The Washington Post” ҳам Трамп ва Зеленский 4 июль куни Москва ва Санкт-Петербургга Украинанинг эҳтимолий зарбаларини муҳокама қилгани ҳақида ёзган. Нашр шарҳловчиси Дэвид Игнатиус ўз манбасига таяниб хабар беришича, Оқ уй раҳбари ўтган ҳафта Украина Президенти билан суҳбат чоғида нега Москвага зарба бермаганини сўраган. Игнатиус аниқ иқтибос келтирмади.