Yoshlarforumi.uz платформаси орқали ёшлардан келган таклифлар асосида алоҳида дастур қабул қилинади
Бизнес
−
14 Декабрь 2021 5667
"Ўзбекистон ёшлари форуми" доирасида Yoshlarforumi.uz платформасига таклиф юбориш муддати 12 декабрь соат 00:00 да ўз ниҳоясига етди. Маълум қилинишича, ёшлар томонидан 7593 та таклифлар келиб тушган.
Эндиликда вазирлик, ташкилот ва идоралар вакилларидан иборат тажрибали экспертлар гуруҳи томонидан ёшларнинг юборган таклифлари ўрганиб чиқилади. Энг яхши таклиф эгалари “Ўзбекистон ёшлари форуми” доирасидаги тадбирларда иштирок этади ва таклифлар форум давомида мутасадди ташкилотлар билан муҳокама қилинади.
Шунингдек, таклифлари энг кўп қўллаб-қувватланган ёшларга тез орада республика миқёсидаги "Ўзбекистон ёшлари форуми"га таклиф этилгани тўғрисида электрон тарзда хабарнома юбориш бошланади.
Ёшлар ишлари агентлиги директори Aлишер Саъдуллайев форум якунлари бўйича ҳукумат қарори қабул қилиниши режалаштирилганини маълум қилди.
Live
Барчаси