Ер юзидаги энг катта айсберг йўқолмоқда

Дунёдаги энг қадимги айсберглардан бири A23a эриб йўқолмоқда. Бу ҳақда BBC хабар берди.

A23a номи билан танилган айсберг бир вақтлар Ер юзидаги энг катта айсберг бўлган. У Лондондан икки баравар катта майдонни эгаллаган. Аммо, A23a ўтган йил давомида эриб, ёрилиб, парчаланиб кетган.

Энди у Антарктиданинг музли денгизларидан узоқлашиб кетган ва илиқ сувлар уни еритмоқда. Бир неча ҳафтадан кейин еса эриб кетиши кутилмоқда.

Олимлар Антарктиданинг бошқа қисмлари иқлим ўзгариши билан қандай муносабатда бўлиши мумкинлиги ҳақида маълумот олиш учун унинг қандай парчаланиб кетганини ўрганиб чиқишган. 

"Бу ажойиб саёҳат бўлди. Аммо у ҳозир сўнгги босқичида", дейди Кембриждаги Британия Антарктика Тадқиқоти профессори Майк Мередит. 

Маълумот учун A23a айсберги 1986 йилда Антарктида қитъасидан Уэдделл денгизига ажралиб чиққан. Ўша пайтда унинг ҳажми тахминан 4000 кв.км майдонга эга бўлган. 

Уэдделл денгизида 30 йилдан ортиқ вақт давомида қотиб қолган A23a 2020 йилдагина яна ҳаракатланган.