Яна бир ўзбекистонлик футболчи ТОП-5 чемпионат жамоасига ўтади – манба

Спорт

−

08 Июль visibility27458 timer1 дақиқа

“Пахтакор” клубининг 22 ёшли ҳужумкор ярим ҳимоячиси Диёр Ҳолматов Франция клубига кўчиб ўтиши мумкин. Бу ҳақда QALAMPIR.UZ манбаси хабар берди.

Манбанинг билдиришича, Францияда ўзбекистонлик футболчига қизиқиш билдираётган клуб ички чемпионатнинг юқори ўринлари учун ҳаракат қилади. Тез орада ушбу клуб номи оммага маълум бўлиши мумкин. Бундан ташқари, Португалия ва Туркия клублари ҳам Ҳолматовнинг хизматларига қизиқиш билдирмоқда.

Маълумот учун, 22 ёшли футболчининг амалдаги клуби билан шартномаси жорий йилнинг 31 декабрига қадар мўлжалланган. “Transfermarkt” портали Ҳолматовни 600 минг еврога баҳолаган.

Эслатиб ўтамиз, аввалроқ “Пахтакор” клубининг 20 ёшли футболчиси Муҳаммадали Ўринбоев Бельгиянинг “Антверпен” клубига кўчиб ўтгани хабар қилинганди. У клуб билан 4 мавсумга мўлжалланган шартномага имзо чеккан.

Мақола муаллифи