Ямаль Мбаппенинг рекордини янгилади

“Барселона” ярим ҳимоячиси Ламин Ямаль 20 ёшгача бўлган футболчилар ўртасида Чемпионлар лигасида гол + пасс бўйича Мбаппенинг рекордини янгилади. Бу ҳақда “Opta” портали хабар берди.

19 ёшли испаниялик қанот ҳужумчиси “Фейеноорд”га қарши учрашувда (5:1) иккита голли узатма амалга оширди ва бир марта рақиблар дарвозасини ишғол қилди.

Ушбу натижадан сўнг Ямалнинг Чемпионлар лигасидаги ҳисоби 12 та гол ва 11 та голли узатмага етди. У 23 та голли ҳаракат билан мусобақа тарихида 20 ёшга тўлмаган футболчилар орасида энг яхши натижа қайд этди.

Аввалроқ “Барселона” етакчиси мазкур кўрсаткич бўйича “Реал Мадрид” ҳужумчиси Килиан Мбаппе билан бирга биринчи ўринни эгаллаб турган эди. Франциялик футболчи 20 ёшга тўлгунига қадар 20 та гол ва голли узатма қайд этган. Бироқ Мбаппенинг ҳозирги кўрсаткичи 27 та голли ҳаракатдан иборат бўлиб, Ямал эса ўз рекордини янада яхшилаш имкониятига эга.

Шунингдек, Ламин Ямаль ва “Манчестер Сити” ҳужумчиси Эрлинг Холанд айни вақтда дунёнинг энг қиммат футболчилари ҳисобланади. Ҳар икки футболчининг трансфер қиймати 220 миллион евро деб баҳоланган.

Маълумот учун, “Барселона” янги мавсумдаги дастлабки бешта учрашувида, жумладан, Испания чемпионатида ҳам 22 та гол урди. Бу каталонияликлар учун 1950 йилдан буён илк бор қайд этилган натижа бўлди.