“Wednesday” сериали Netflixʼни титратди
Маданият-санъат
−
08 Декабрь 2022 28289
“Wednesday” инглиз тилидаги сериаллар орасида умумий томоша соатлари бўйича Netflix платформасида янги рекордини ўрнатди. Бу ҳақда “Screenrant” нашри хабар берди.
Netflix ҳисоб-китобларига кўра, сериал премьерасидан буён жами 752 миллион соат томоша қилинган. Маълумот учун, бу ҳисоб сериал чиққанидан кейинги дастлабки 28 кунга асосланади.
Шунингдек, сериал илк ҳафтанинг ўзидаёқ 341,2 миллион соат кўрилган. У 83 давлатда энг оммабоп сериалга айланган ва 93 мамлакатда энг кўп кўрилаётган сериалларнинг биринчи 10 талилигига кирган.
Маълумот ўрнида, “Wednesday” мистик сериал бўлиб, Wednesday Addams’нинг саргузаштлари ҳақида ҳикоя қилади.
Сериалда бош қаҳрамон ролини америкалик актриса Женна Ортега ижро этган. Илк мавсуми 8 қисмдан иборат сериалда ақлли ва совуққон Wednesday Addams бир қатор қотилликларни текширади ва “Nevermore Academy”да янги дўстлар ва душманлар орттиради.
Кўп қисмли фильмнинг сценарийси томошабинлар томонидан 87 фоиз овоз билан маъқулланган. Бундан ташқари, сериаллнинг 4-қисмдаги машҳур рақс саҳнаси оммалашиб, TikTok‘да хореографияга тақлид қилувчи видеолар трендга айланган.
Озода Чориева
Live
Барчаси