Водийдаги метан “заправка”лар ёпилиши рад этилди

Жамият

−

11 Февраль 2023 visibility9005 timer1 дақиқа

Ижтимоий тармоқларда водий вилоятларидаги Автомобилларга газ тўлдириш компрессор шохобчалари (АГТКШ) фаолияти вақтинча тўхтатилиши ҳақидаги хабарлар тарқалди. Унда айтилишича, вилоятларда ҳаво ҳароратининг совиши туфайли магистраль газ қувурларида табиий газ босимининг кескин пасайиши кузатилмоқда. Ҳолат юзасидан Энергетика вазирлиги Матбуот хизмати расмий муносабат билдирди.

“Ушбу хабарлар ҳеч қандай асосга эга эмаслигини маълум қиламиз ва фуқаролардан бу каби тасдиқланмаган хабарларга ишонмасликларини сўраймиз”, дейилади хабарида.

Вазирликка кўра, республика бўйича, хусусан, водий вилоятларидаги АГТКШ фаолияти маҳаллий ҳокимликлар билан келишилган жадвалларга асосан давом этади.

Энергетика вазирлиги томонидан ижтимоий тармоқ вакилларидан бу каби асоссиз ва тасдиқланмаган хабарларни тарқатмаслик сўралмоқда.

Мақола муаллифи