Қайси мураббий энг кўп даромад олишини биласизми?
Спорт
−
02 Апрель 2019 6250
Бироз олдин энг кўп даромад оладиган футболчилар бешлиги ҳақида маълум қилган эдик.
France Football нашри футболчилардан сўнг, энг даромад топаётган мураббийлар рейтингини ҳам тузиб чиқди. Рейтингни тузишда маош, бонус ва бошқа даромадлар ҳам ҳисобга олинган.
Унга кўра, биринчи ўринда “Атлетико Мадрид” устози Диего Симеоне бормоқда. У йилига 41 млн евро ишлаб топади. Иккинчи ўринда эса “Манчестер Юнайтед” собиқ устози Жозе Моуриньо қайд этилган. Жозе йилига 31 млн евро топиши кўрсатилган. Учинчи ўринда эса “Монако” собиқ устози Тьерри Анри, йиллик 25,5 млн евролик даромад билан бормоқда. Бешликка Пеп Гвардиола (“Манчестер Сити”, 24 млн евро) ва Эрнесто Вальверде (“Барселона”, 23 млн евро) ҳам киритилган.
Қайд этиш жоиз, маблағлар солиқ тўловлари билан бирга кўрсатилган.
