Винисиус Алонсо туфайли “Реал” билан шартномани узайтирмоқчи эмас

“Реал Мадрид” клуби ҳужумчиси Винисиус Жуниор бош мураббий Хаби Алонсо билан муносабатларининг таранглигидан келиб чиқиб, шартномани узайтирмаслик ниятида эканини маълум қилди. Бу ҳақда “Football today” хабар берди.

Манбаларга кўра, бразилиялик футболчи жорий йилнинг октябрь ойи охирида бўлиб ўтган шахсий учрашувда тўғридан тўғри клуб президенти Флорентино Пересга бу фикрини етказган. Унинг амалдаги шартномаси 2027 йил июнигача амал қилади, аммо янги шартнома ҳақидаги музокаралар январь ойидан буён тўхтаб қолган.

Вазият жорий йилнинг 26 октябрь куни “Барселона”га қарши 2:1 ҳисобидаги ғалабадан кейин кескинлашган. Ўшанда Винисиус алмаштирилишига жаҳл билан муносабат билдирган ва кейинчалик Пересдан узр сўраган. У ўшанда Алонсо билан зиддият давом этаётган бир пайтда узоқ муддатли келажагини амалга ошириш вариант эмаслигини очиқ айтган.

Шартнома бўйича низолар молиявий масалаларни ҳам ўз ичига олади. Клуб футболчига йилига 20 миллион евро маош таклиф қилган бўлса, футболчининг вакиллари 30 миллион еврогача бўлган маошни, жумладан клубдаги энг юқори даражадаги бонусларни талаб қилмоқда.

Клуб раҳбарияти Винисиусни тинчлантиришга ва қўллаб-қувватлашга ҳаракат қилмоқда, аммо шахсий динамика ва Алонсо билан зиддият музокараларнинг тўхташига сабаб бўлган. 

Эслатиб ўтамиз, аввалроқ Англиянинг “Манчестер Cити” клуби Винисиус Жуниорни ўз таркибига қўшиш ниятида бўлиб, бразилиялик футболчидан “Реал Мадрид” билан янги шартнома имзоламасликни сўраган эди.