Видео: Аргентинада оломон Президент ўтирган автомобилга ҳужум қилди

Олам

Аргентина Президенти Алберто Фернандеснинг Чубут вилоятига сафари чоғида намойишчилар мамлакат раҳбари ўтирган автомобилга ҳужум қилди. Бу ҳақда бугун, 13 март куни маҳаллий “Todo Noticias” телеканали хабар берди.

Эфирга узатилган кадрларда намойишчилар Фернандес ўтирган микроавтобусни ўраб олганини кўриш мумкин. Улар автомобилга бақирганча ҳужум қилиб, тош отиб, ойналаридан бирини синдирган. 

Телеканал маълумотларига кўра, ҳодиса оқибатида ҳеч ким жабрланмаган.

Маълум бўлишича, намойишчилар Чубут губернатори Мариано Арсиони томонидан амалга оширилаётган йирик кон лойиҳасига шу тарзда норозилик билдирган.


Мақола муаллифи

Теглар

Аргентина

Баҳолаганлар

193

Рейтинг

2.9

Мақолага баҳо беринг

Дўстларингиз билан улашинг