ЎзПФЛ янги мавсум тақвими билан боғлиқ муаммолардан қандай чиқмоқчи?

Спорт

image

7 февраль куни футбол бўйича Ўзбекистон чемпионатининг янги мавсумига қуръа ташланди. Суперлига ўйинлари 3 март куни старт олади. Бугун, 8 февраль куни 2023 йилги мавсумнинг дастлабки уч тури саналари эълон қилинди. Бу ҳақда ЎзПФЛ матбуот хизмати хабар берди.

Март ойининг 20-28 саналари FIFA кунлари сифатида белгилаб олинган. Ўзбекистон миллий ва олимпия терма жамоалари FIFA кунлари доирасида халқаро сафар ўйинларида иштирок этади. Қолаверса, 1-18 март кунлари Ўзбекистоннинг 4 та стадиони U-20 Осиё кубогига мезбонлик қилади. Сир эмаски, яна 4 та стадион таъмирлаш ишлари сабаб мавсумга тайёр эмас. 

Шунинг учун ҳам ЎФА ЎзПФЛга тақвим масаласида илтимос билан чиққан. Унга кўра:

- миллий терма жамоага футболчи берадиган уч асосий клуб: “Пахтакор”, “Насаф” ва “Навбаҳор”нинг 3-турдаги ўйинлари 17 март санасига қўйилиши керак;
- Марокашга йўл олаётган олимпия термасининг режасидан келиб чиқиб, “Олимпик” иштирокидаги ўйин ҳам иложи борича эртароқ ўтиши керак. 

Суперлига ўйинлари футбол мухлисларига қулайлик қилиш мақсадида жума, шанба ва якшанба кунларига режа қилинган. Бунда FIFA кунлари инобатга олинган. Қўшимчасига, Лига 18 март куни Тошкентда ўйин ташкил қила олмайди. Шу куни U-20 Осиё чемпионатининг сўнгги икки учрашуви бўлиб ўтади. 

Барча ҳолатларни инобатга олиб, Лига дастлабки уч турнинг фақатгина 4 та ўйинида ўзгаришлар қилди. Бу ҳақда қуръа олдидан футбол жамоатчилигига ҳам айтиб ўтилганди. Демак: 

- 1-тур доирасида сафарда ўйнаши керак бўлган “Насаф” ва “Сурхон” жамоалари номинал мезбонга айланади (уларнинг рақиби бўлган “Андижон” ва АГМК уй учрашувларини ўтказадиган стадион халқаро мусобақа билан банд);
- 2-тур доирасидаги “Бунёдкор” — АГМК ўйини кейинроқ ўтказилади (Катанец миллий термага чақирув олган футболчилар рўйхатини эълон қилишига қараб мазкур беллашув ё FIFA кунида ёки апрель ойидаги бўш кунлардан бирида бўлиб ўтади);
- 3-тур доирасидаги сафарда ўйнаши керак бўлган “Олимпик” номинал мезбонга айланади (ўйин “Жар” стадионида ўтади). 

Бугун Лига кейинги турлар масаласига ҳам ойдинлик киритади.


Мақола муаллифи

Теглар

ЎФА ЎзПФЛ

Баҳолаганлар

0

Рейтинг

3

Мақолага баҳо беринг

Дўстларингиз билан улашинг