Ўзбекистоннинг Мисрдаги янги элчиси тайинланди
Жамият
−
12 Октябрь 2021
6063Ўзбекистон Республикаси Олий Мажлис Сенатининг жорий йил 8 октябрдаги тегишли қарорига мувофиқ Мансурбек Бахтиярович Қиличев Ўзбекистон Республикасининг Миср Араб Республикасидаги Фавқулодда ва Мухтор Элчиси этиб тайинланди. Бу ҳақда Ташқи ишлар вазирлиги матбуот котиби хабар берди.
Қайд этилишича, Қиличев дипломатия соҳасида 2002 йилдан буён ишлайди. У вазирлик марказий аппарати ва Ўзбекистоннинг хориждаги дипломатик ваколатхоналарида ишлаган.
- 2012-2013 йилларда Ўзбекистон Республикасининг Саудия Арабистони Подшоҳлигидаги элчихонаси биринчи котиби;
- 2013-2019 йилларда Ўзбекистон Республикасининг Дубай шаҳридаги (БАА) Бош консули;
- 2019-2020 йилларда Ўзбекистон Республикаси Халқаро муносабатлар бўйича ахборот таҳлилий маркази директори ўринбосари – йиғма таҳлилий бўлим бошлиғи;
- 2020 йилдан элчи лавозимига тайинлангунга қадар Ташқи ишлар вазирлиги Консуллик-ҳуқуқий департаменти директори ўринбосари сифатида фаолият олиб борган.
У инглиз, араб ва рус тилларини билади. Қиличев оилали ҳамда уч нафар фарзанднинг отасидир.
LiveБарчаси
Эртадан Тошкентдаги 8 та кўчаларда ҳаракатланиш чекланади
07 Ноябрь 2023
Фарғонада қиймати 76 млн сўмлик “паққиллоқлар” ушланди
07 Ноябрь 2023
Шавкат Мирзиёев Қатар собиқ бош вазирини қабул қилди
07 Ноябрь 2023
Фаластин Бош вазири Муҳаммад Штае Ғазодаги уруш сабаб ҳалок бўлган болалар ҳақида гапираётиб йиғлаб юборди
07 Ноябрь 2023