Ўзбекистонлик боксчи қиз ЖЧда совриндор бўлди. Унинг рақиби эркак бўлиши мумкин
Спорт
−
26 Март 2023 20195
Ҳиндистон пойтахти Нью-Дели шаҳрида аёллар бокси бўйича Жаҳон чемпионати ўз якунига етди. Унда иштирок этган Ўзбекистон терма жамоаси аъзоси Навбаҳор Ҳамидова бронза медали билан тақдирланди. Бу ҳақда Миллий Олимпия қўмитаси (МОҚ) матбуот хизмати хабар берди.
-66 кг вазн тоифасида баҳсларга киришган ўзбекистонлик боксчи чорак финалда жазоирлик Имане Ҳалифга имкониятни бой берганди. Бироқ кейинчалик жазоирлик боксчи дисквалификация қилинди ва унинг ўрнига Ҳамидова ярим финалчи сифатида қайд этилди.
Маълум бўлишича, Имане Ҳалиф топширган тестотерон текширувлари ташкилотчиларни шубҳалантирган, сабаби жазоирлик спортчи эркак киши бўлиши мумкин.
Live
Барчаси