Ўзбекистонга совуқ ва нам ҳаво кириб келади. Кучли ёмғир кутилмоқда

Жамият

−

18 Март 2021 visibility47110

Гидрометеорология хизмати маркази ҳафда охирида Ўзбекистонда кузатиладиган об-ҳаво ҳақида маълумот берди.

19-20 мартда Ўзбекистон ҳудудига Каспий денгизи орқали Кавказ ҳудудлари устида шаклланган совуқ ва нам ҳаво массалари кириб келади.

18-20 мартда Республиканинг баъзи жойларида шамол 17-22 м/с гача кучайиши кутилмоқда, 18-19 мартда 25-28 м/с гача кучайиши мумкин.

20 мартда Республика ҳудудларида ёмғир ёғади, баъзи жойларда кучли бўлади, момақалдироқ бўлиши мумкин. Республиканинг тоғли ҳудудларида ёғингарчилик (ёмғир, қор), баъзи жойларда кучли бўлади. Қорақалпоғистонда, Хоразм, Андижон, Наманган, Фарғона вилоятларида ёғингарчилик кутилмайди. Ҳаво ҳарорати кечаси ва кундузи 10-15° илиқ бўлади.

Мақола муаллифи