Ўзбекистонда заргарлик учун олиб кирилган қимматбаҳо тошлар солиқдан озод этилди
Жамият
−
14 Май
3898Ўзбекистонда заргарлик учун қимматбаҳо тошларни олиб кириш солиқдан озод қилинди. Бу ҳақда Адлия вазирлиги хабар берди.
Қайд этилишича, Президент томонидан имзоланган қонун билан айрим қонун ҳужжатларига қўшимча ва ўзгартиришлар киритилган. Солиқ кодексига киритилган ўзгартиришга асосан заргарлик буюмларини ишлаб чиқариш учун фойдаланиладиган қимматбаҳо тошларни Ўзбекистон ҳудудига олиб кириш қўшилган қиймат солиғидан 2024 йил 1 январдан 2027 йил 1 январгача озод қилинади.
Касаба уюшмалари тизимидаги болалар соғломлаштириш оромгоҳлари негизида болаларнинг дам олиш мавсумидан ташқари даврда ташкил этиладиган дам олиш уйларининг ва дам олиш зоналарининг мазкур йўналишдаги хизматларни кўрсатишдан олган фойдаси 2026 йил 1 январгача фойда солиғидан озод қилинади.
Шунингдек, “Туризм тўғрисида”ги қонунига киритилган ўзгартиришга кўра, касаба уюшмалари тизимидаги болалар соғломлаштириш оромгоҳлари негизида болаларнинг дам олиш мавсумидан ташқари даврда ташкил этиладиган дам олиш уйлари ва дам олиш зоналари жойлаштириш воситалари сифатида мажбурий сертификатлаштиришдан озод этилади.
Қонун расмий эълон қилинган кундан эътиборан кучга киради.
LiveБарчаси