Ўзбекистонда яна бир жамоат фонди тузилади

Жамият

image

Норматив-ҳуқуий ҳужжатлар лойиҳалари муҳокамаси порталида “Шон-шараф музейини ривожлантириш жамоат фондини ташкил этиш тўғрисида”ги қарор лойиҳаси жойлаштирилди

Қарор билан Ўзбекистон Республикаси Мудофаа вазирлиги ва Молия вазирлигининг юридик шахс мақомига эга бўлмаган Шон-шараф музейини ривожлантириш жамоат фондини ташкил этиш тўғрисидаги таклифига розилик берилиши мумкин.

Қуйидагилар Фонд маблағларини шакллантириш манбалари этиб белгиланади:

•    пуллик хизматлар кўрсатишдан тушадиган маблағлар;

•    юридик ва жисмоний шахсларнинг ҳомийлик хайриялари;

•    халқаро ташкилотлар ва молия институтларининг, шунингдек, бошқа хорижий донорларнинг грантлари;

•    Фонднинг вақтинча бўш маблағларини тижорат банклари депозитларига жойлаштиришдан тушган даромадлар бўйича тушумлар;

•    қонун ҳужжатларида тақиқланмаган бошқа манбалар.

Белгиланишича, Фонд маблағлари:

а) Ўзбекистон Республикаси Мудофаа вазирлигининг Маънавият ва маърифат марказида очиладиган ҳисоб рақамда жамланади;

б) қуйидаги мақсадларга:

Шон-шараф музейи учун тарихий экспонатлар, ашёлар ва коллекциялар, уруш қатнашчиларининг орден-медаллари, шахсий буюмлари ҳамда уруш даври ёдгорликларини харид қилиш;

Шон-шараф музейи экспозицияларини яратиш;

Шон-шараф музейини жорий ва капитал таъмирлаш, моддий-техник базасини мустаҳкамлаш;

давра суҳбатлари, конференциялар, амалий машғулотлар, тренинглар, шунингдек маданий-маърифий, оммавий-маданий ва бошқа тадбирлар ўтказиш учун сарфланади.


Мақола муаллифи

Теглар

фонд Шон-шараф музейи

Баҳолаганлар

14

Рейтинг

3.4

Мақолага баҳо беринг

Дўстларингиз билан улашинг