Ўзбекистонда туғилиш ва никоҳлар сони пасайди

2025 йилда Ўзбекистонда туғилиш ва никоҳлар сони камайди. Бу ҳақда Адлия вазирлиги хабар берди.

Статистикага кўра, 2025 йилда Ўзбекистонда 884 500 бола туғилган – бу 2024 йилга (926 400) нисбатан 5,3 фоизга кам. Бу пасайиш деярли барча ҳудудларда кузатилган. 

2025 йилда энг кўп янги туғилган чақалоқлар сони Самарқанд вилоятида – 105,8 минг, Қашқадарёда – 99,0 минг ва Фарғонада – 98,0 минг қайд этилган.

Энг паст кўрсаткичлар Навоий вилоятида – 24,1 минг, Жиззахда – 36,7 минг ва Қорақалпоғистонда – 38,6 минг киши қайд этилган.

Тошкент шаҳрида 71,4 минг, Тошкент вилоятида 63,5 минг бола туғилган, бу иккала кўрсаткич ҳам ўтган йилги кўрсаткичлардан паст. 

Кеч ота-она бўлиш улуши эса ортиб бормоқда. 2025 йилда 6100 нафар аёл 40 ёшдан кейин она бўлган. Эркаклар орасида тахминан 600 ота 60 ёшдан кейин ота бўлган.

Бундан ташқари, Ўзбекистонда никоҳлар сони ҳам камайган. 2025 йилда 267 100 та никоҳ қайд этилган – бу сўнгги 15 йилдаги энг паст кўрсаткич бўлган 2024 йилга (271 800 та) нисбатан 1,7 фоизга кам. 

Аммо чет элликлар билан никоҳланишлар сони сезиларли даражада ошган. 2021 йилнинг дастлабки олти ойида мамлакатда чет элликлар билан 300 та никоҳ қайд этилган. 2022 йилда бу рақам 1900 та, 2023 йилда 1800 та ва 2025 йилга келиб 3400 тага етган.

Алиқулов Жавоҳир