Ўзбекистонда Марказий Осиёдаги энг катта кўргазма мажмуаси очилди

Жорий йилнинг 15 сентябрь куни Тошкент шаҳрида янги Central Asian Expo Uzbekistan (CAEx) номли кўргазмалар павильонига эга бизнес маркази очилди. Мазкур иншоот одамларга қандай имкониятлар тақдим этади? Мажмуанинг ўзига хос томонлари, қулайликлари ҳақида қуйидаги мақолада батафсил танишишингиз мумкин.

Central Asian Expo Uzbekistan — Осиёнинг марказидаги янги ва замонавий кўргазмалар мажмуаси бўлиб, у Тошкент шаҳри Мирзо Улуғбек туманида жойлашган. Бизнесга янги назар, янги ғоялар ва маҳоратга эга инсонларни жалб қилиши кутилаётган мажмуа 2023 йилнинг 15 сентябрь куни очилди.

Очилиш маросимида хорижий ва маҳаллий тадбиркорлар, сиёсатчилар, таниқли санъаткорлар ва бошқа турли соҳа вакиллари ташриф буюрди. Мазкур тадбир концерти эса Камолиддин Ўринбоев бошчилигидаги Давлат симфоник оркестри иштирокида бўлиб ўтди.

Бизнес маркази қандай қулайликларга эга?

Маълум қилинишича, мазкур лойиҳани ишлаб чиқиш ва амалга ошириш жараёнида, ташриф буюрувчилар ва экспонентлар учун қулай муҳитни яратишга қаратилган кўргазма саноатининг илғор амалиёти жорий этилган. CАEх кўргазма майдонининг умумий кўлами 23 минг метр квадрат бўлиб, унда 700 дан ортиқ автомобиллар сиғимига эга автотураргоҳ ҳам мавжуд. 18 минг метр квадрат майдонга эга павильон эса ҳар қандай формат ва мураккаблик даражасидаги лойиҳалар учун мослаштирилиши мумкин.

Шунингдек, CАEх 6 га 6 ўлчамдаги 4 та техник дарвоза билан жиҳозланган, мажмуадаги сунъий ёритиш эса 1 квадрат метрга 500 люксни ташкил қилади. Шифтларнинг баландлиги 11 метрдан ортиқ. Павильоннинг поли бир квадрат метрга 3 тонна оғирликни кўтара олади. Кўргазма марказининг иккинчи қаватида 8 та музокаралар хонаси, 1 та конференцзал, 7 та умумий овқатланиш шохобчасига эга фуд-корт жойлашган бўлиб, мажмуага ташриф буюрган меҳмонлар учун барча қулайликлар мавжуд.

CАEх кўргазма мажмуаси шарқона ва замонавийлик меъморчилик намунаси бўлиб, барча турдаги халқаро стандартларга жавоб берадиган муҳандислик ва коммуникация ускуналари билан таъминланган.

Таъкидлаш жоизки, бу дизайн услубидаги бино Марказий Осиёда ягона бўлиб, у ўзининг ноанъанавий ташқи кўриниши ҳамда қулай ички муҳити билан ажралиб туради. Мажмуа олдидаги фавворалар эса ёзининг иссиқ кунларида салқинлаштириш ҳамда енгил кайфият бериш имкониятига эга. Бу эса иқлими кескин континентал бўлган Ўзбекистон учун айни муддаодир. 

CАEх одамларга қандай имкониятларни беради?

Йирик масштабдаги маҳаллий ва халқаро тадбирлар, конгресслар, тантаналар, спорт мусобақалари, форум ва фестивалларни ўтказиш учун юқори даражада мос тушувчи CАEх мажмуаси ўзининг бир қатор имкониятларни беради.

Хусусан, CАEх Uzbekistan Осиё минтақаси, унинг маданий мероси ва янги имкониятлари оламига чинакам кўприк бўлиб хизмат қилади. Минтақанинг марказида жойлашган CАEх Осиёнинг янги қирраларини очиб, унинг салоҳияти, бетакрор интеграция қобилиятини намоён қилади. Инсонларга эса янада яқинроқ мулоқотни ўрнатишга кўмаклашади.

Бундан ташқари, мажмуада 150 та иш ўрни яратилган. Кўргазма маркази кондиционерлар, аудио-видео ускуналар, лифтлар, юқори кучланишли электр қувватига, сув ва сиқилган ҳаво манбаларига уланиш нуқталари, Wi-Fi ҳамда қўриқлаш хизмати билан тўлиқ таъминланган. Ҳаракати чекланган фуқаролар учун алоҳида хизматлар йўлга қўйилган.

CАEх 2024 йил учун тадбирлар жадвалини ишлаб чиқишни режалаштирмоқда. Биринчи кўргазма-ярмаркаси эса “CАEх Mebel & Decor 2023” бўлиб, жорий йилнинг 22-24 сентябрь кунлари ўтказилади.

Батафсил маълумот учун сайтимизга ташриф буюринг caex-uzbekistan.com

Алоқа учун: 71 113 3333

Telegram каналимизга аъзо бўлинг

Instagram’да янгиликлардан бохабар бўлинг

Реклама ҳуқуқи асосида