Ўзбекистонда коронавирус кўпроқ қайси ёшдаги болаларда учраётгани очиқланди

Жамият

image

Ўзбекистонда бугунга келиб коронавирус инфекцияси қайд этилган беморлар сони 44 мингдан ошди. Мамлакатда болалар ўртасида вирусга чалиниш даражасининг энг кўпи 7-18 ёшгача бўлган болалар ўртасида қайд этилган. Бу ҳақда коронавирусга қарши кураш штаби аъзоси Барно Aбдусаматова маълум қилди.

Штаб аъзосининг айтишича, Ўзбекистондаги болалар орасида коронавирусга чалиниш ҳолати 7-18 ёшгача бўлган болаларда кўп учрамоқда. Ушбу кўрсаткичнинг 55 фоизини болалар ташкил этган.

“Ҳозирги кунда болалар қолаверса катталар учун ҳам короновирус юқишидан асровчи дорилар ўйлаб топилмаган. Лекин болалар орасида соғлом турмуш тарзини, кун тартибини тўғри ташкил этиш ҳамда барча санитария гигиена қоидаларига амал қилиш орқали иммунитетни ошириш мумкин”, дейди Барно Aбдусаматова.

ССВ берган маълумотларга кўра, Ўзбекистонда коронавирус инфекцияси аниқланганларнинг ёш кўрсаткичлари қуйидагича: 

•  12 173 нафари (28 фоиз) 30-39 ёш;
•  10 304 нафари (23,7 фоиз) 20-29 ёш;
•  7 521 нафари (17,3 фоиз) 40-49 ёш; 
•  5 347 нафари(12,3 фоиз) 50-59 ёш;
•  2 652 нафари (6,1 фоиз) 10-19 ёш;
•  2 565 нафари (5,9 фоиз) 60-69 ёш;
•  1 956 нафари (4,5 фоиз) 0-9 ёш;
•  739 нафари (1,7 фоиз) 70-79 ёш; 
•  219 нафари (0,5 фоиз) 80 ва ундан катта ёш оралиғига тўғри келади.

Aҳрорбек Ҳайруллаев


Мақола муаллифи

avatar

.

Теглар

Баҳолаганлар

369

Рейтинг

3

Мақолага баҳо беринг

Дўстларингиз билан улашинг