Ўзбекистон U-23 жамоасининг Испания ва Мисрга қарши қайдномаси эълон қилинди
Спорт
−
10 Октябрь 2023 7191 1 дақиқа
Жорий йилнинг 13-16 октябрь кунлари футбол бўйича Ўзбекистон U-23 жамоаси Тошкентда Испания ва Мисрга қарши ўртоқлик ўйинларида майдонга тушади. Жамоа бош мураббийи Темур Кападзе ўртоқлик ўйинларига жалб қилинган футболчиларнинг рўйхатини маълум қилди.
Унга кўра, яқиндагина Хитойнинг Ханчжоу шаҳри мезбонлик қилган Осиё ўйинларида иштирок этган футболчиларнинг аксарияти Испания ва Мисрга қарши ўйинлар қайдномасига киритилган.
Шунингдек, қайдномада Осиё ўйинларида иштирок этмаган Россиянинг “Рубин” клуби аъзоси Умарали Раҳмоналиевни ҳам кўриш мумкин.
Ўзбекистон U-23 дастлаб 13 октябрь куни Испанияга, 16 октябрь куни эса Мисрга қарши Тошкент шаҳридаги “Бунёдкор” стадионида саф тортади. Ҳар икки ўйин 19:00 да старт олади.
Live
Барчаси
