Ўзбекистон Ислом бирдамлиги ўйинларини 96 та медаль билан якунлади

Кеча, 21 ноябрь куни Саудия Арабистонининг Ар-Риёд шаҳри мезбонлик қилган VI Ислом бирдамлиги ўйинлари якунлади. Дунёнинг 57 мамлакати спорчилари қатнашган мазкур нуфузли мусобақада Ўзбекистон делегацияси жами 96 та (29 та олтин, 35 та кумуш ва 32 та бронза) медаль қўлга киритди.

Эрон делегациясининг жамғарган олтин медаллари ҳам Ўзбекистоники билан бир хил 29 тани ташкил этди, бироқ кумуш медаллардаги устунлик эвазига Ўзбекистон делегацияси мусобақани умумжамоа ҳисобида Туркиядан кейин иккинчи ўринда якунлади. Эрон эса 3-ўриндан жой олди.

Риёд-2025 VI Ислом бирдамлиги ўйинларининг тантанали ёпилиш маросимида Акбар Жўраев ва Актенге Кеунимжаева Ўзбекистон делегацияси байроқдорлари бўлишади.

Эслатиб ўтамиз, аввалроқ Ўзбекистон делегацияси Баҳрайнда бўлиб ўтган III Осиё ёшлар ўйинларида 45 мамлакатидан 4000 нафардан ортиқ ёш спортчиси орасида 37 та олтин, 16 та кумуш ва 28 та бронза, жами 81 та медаль билан умумжамоа ҳисобида Хитойдан кейин иккинчи ўрин билан иштирокини якунлаган эди.