Ўзбекистон фуқаросига ҳужум қилган икки россиялик қамалди

Жамият

image

Санкт-Петербургнинг Красногвардейский туман суди миллатчилик туфайли Ўзбекистон фуқаросига ҳужум қилган икки кишини қамоқ жазосига ҳукм қилди. Бу ҳақда Ташқи меҳнат миграцияси агентлиги хабар бермоқда.

Россия Федерацияси фуқаролари ҳисобланган В.Смоликов ва Р.Кулев 2019 йил сентябрда Среднеохтинский проспектидаги уйлардан бири ёнида Ўзбекистон фуқаросига аэрозол баллони ва пичоқ билан ҳужум қилиши оқибатида у оғир аҳволда касалхонага ётқизилган эди.

“Қасддан баданга оғир шикаст етказиш” моддаси бўйича айбланган В.Смоликов 5 йилга, Р.Кулев эса 5 йилу 2 ойга қамалди. Улар жазони қатъий режимдаги колонияда ўтайди.

“Интерфакс” нашрининг хабарига кўра, жиноят содир этилган пайтда Кулев 24 ёшда ва Бауман номидаги Москва давлат техника университетининг олтинчи курсида таҳсил олган. Смоликов эса 18 ёшда бўлиб, ҳеч қаерда ўқимаган ва ишламаган.


Мақола муаллифи

Теглар

Баҳолаганлар

824

Рейтинг

3

Мақолага баҳо беринг

Дўстларингиз билан улашинг