Uzbekistan Airways бир нечта рейсларни бошқа аэропортларга ўтказди

Жамият

−

07 Ноябрь 2022 visibility6507

0:00

download

Бугун, 7 ноябрь куни Тошкент халқаро аэропортида ноқулай об-ҳаво шароити туфайли Uzbekistan Airways бир нечта рейсларини заҳира аэропортларига ўтказди. Бу ҳақда компания матбуот хизмати хабар берди.

Қайд этилишича, HY602 Москва – Тошкент қатнови Навоий аэропортига йўналтирилган. Шунингдек, HY336 Жидда – Тошкент қатнови Самарқанд аэропортига йўналтирилган. Ушбу йўналишдаги қатновлар белгиланган манзилга етиб борган.

Бундан ташқари, Фарғона халқаро аэропортида ноқулай об-ҳаво шароити туфайли режалаштирилган HY081 Тошкент – Фарғона рейси соат 06.55 дан 09.30 га кўчирилган. HY277 Фарғона – Истанбул рейси Фарғона халқаро аэропортидан ўз йўналиши бўйича жўнаб кетган. Ушбу рейслар кечикиб амалга оширилади.

Авиакомпания келтирилган ноқулайликлар учун йўловчилар ва уларни кутиб олувчилардан узр сўраган.

Мақола муаллифи