Уй-жой коммунал хизмат кўрсатиш вазирига хориждан маслаҳатчи тайинланди

Жамият

image

Оливье Норманд Уй-жой коммунал хизмат кўрсатиш вазирининг маслаҳатчиси лавозимига тайинланди. Бу ҳақда ўзбекистон Республикаси Уй-жой коммунал хизмат кўрсатиш вазирлиги ахборот хизмати хабар берди. 

Ўзбекистон Республикаси Президентининг 2020 йил 25 сентябрдаги “Ичимлик суви таъминоти ва оқова сув тизимини янада такомиллаштириш ҳамда соҳадаги инвестиция лойиҳалари самарадорлигини ошириш чора-тадбирлари тўғрисида”ги Фармони ижроси доирасида сув ресурслари соҳасидаги хорижлик эксперт Оливье Норманд вазирнинг давлат ижтимоий буюртмаларини бериш орқали марказлашган ичимлик суви таъминоти етиб бормаган қишлоқ аҳоли пунктларини ичимлик суви билан таъминлаш масалалари бўйича маслаҳатчиси этиб тайинланган.

Мазкур соҳада халқаро тажрибага эга бўлган эксперт сифатида Оливье Норманд давлат ижтимоий буюртмалари асосида қишлоқ аҳоли пунктларини ичимлик суви билан таъминлаш лойиҳаларини шакллантириш, уларни амалга ошириш ҳамда натижадорлигини мониторинг қилиш масалаларида вазирлик масъул ходимларига кўмаклашади.

Айини пайтда Оливье Норманд ушбу масалаларда вазирлик ҳузурида ташкил этилган жамоатчилик кенгаши аъзоси сифатида ҳам фаолият юритади.

Эслатиб ўтамиз, аввалроқ Европа тикланиш ва тараққиёт банкининг собиқ раҳбари Сума Чакрабарти Ўзбекистон Президенти Шавкат Мирзиёевнинг иқтисодий ривожланиш, самарали бошқарув ва халқаро ҳамкорлик масалалари бўйича маслаҳатчиси этиб тайинланган эди.


Мақола муаллифи

Теглар

Оливье Норманд

Баҳолаганлар

51

Рейтинг

3

Мақолага баҳо беринг

Дўстларингиз билан улашинг

Мавзуга доир янгиликлар