“Урушга тайёр бўлинг”. Пентагон америкалик генералларга мурожаат қилди

АҚШ Қуролли кучлари штаб бошлиқлари қўмитаси раиси Дэн Кейн мамлакатнинг олий ҳарбий қўмондонлигига кескин огоҳлантириш бериб, Америка урушга тайёр туриши кераклигини айтди. Бу ҳақда у бугун, 30 сентябрь куни барча америкалик генераллар ва адмиралар йиғилишида сўз очди.

“Биз динамик ва эҳтимолий хавфли даврида яшаяпмиз. Глобал хавф ортиб бормоқда. Бизнинг рақибларимиз энди шунчаки яқинлашмаяпти, улар бирлашиб бўлди. Биз ҳам худди шундай қатъият ва бирлик билан бирлашишимиз керак. Биз урушга тайёр туришимиз лозим”, дейди Кейн ўзининг кириш нутқида.

Бу баёнот Виржиния штатидаги Куанико шаҳарчасида ўтказилган ноодатий йиғилишда янгради. Сабабсиз ва зудлик билан бутун дунё бўйлаб ҳарбий базалардан юзлаб юқори мартабали америкалик офицерлар у ерга чақиртирилган.

АҚШ Мудофаа вазири Пит Хегсет ҳам ўз нутқида армиянинг қандай тайёрланиши ҳақида тушунтириш берди. У “жангчилар билан уруш” даври тугаганини эълон қилган ва қуролли кучлардан “заҳарли мафкуравий чиқиндиларни” тозалаш бошланишини айтган.

Вазирнинг сўзларига кўра, мудофаа идораси жуда узоқ вақт давомида “хавфдан қочадиган конформистларни” илгари суриб келган ва “ирқ, гендер квоталари ёки тарихий биринчи бўлиш” асосидаги тайинлашларни тўхтатмоқда. Ушбу курс армияга “жангчи руҳини” қайтариши лозимлиги таъкидланган.

Эслатиб ўтамиз, аввалроқ Пит Хегсет юзлаб америкалик генераллар ва адмиралларни зудлик билан АҚШга чақиртиргани ҳақида хабар берилган эди. Базага барчаси – бригада генерали ва контр-адмиралдан юқори унвонга эга бўлган командирлар, шунингдек уларнинг катта маслаҳатчилари ҳам чақиртирилган.