Уруш келаси 2 ҳафта ичида тугайди – Рубио

АҚШнинг Эрондаги ҳарбий операциялари Прездидент Дональд Трамп ва Оқ уй маъмуриятининг саъй-ҳаракатлари билан келгуси бир-икки ҳафта ичида якунланиши мумкин. Бу ҳақда кеча, 27 март куни АҚШ Давлат котиби Марко Рубио Францияда ўтказилган G7 давлатларининг Ташқи ишлар вазирлари саммитида сўз очди.

“Биз Эрондаги харбий операцияларда кўзлаган мақсадларимизга муддатидан аввал эришдик. Умид қиламанки, бу уруш келгуси бир-икки ҳафта ичида ўз якунига етади”, дейди Рубио.

Давлат котиби “тинчлик келишуви”ни биринчи бўлиб Дональд Трамп таклиф қилгани, аммо Эрон томонидан жиддий қаршиликлар бўлганини туфайли бу жараёнлар кечикканини таъкидлаган.

“АҚШ ва Исроилнинг Эрондаги харбий операциялари давомида Оятуллоҳ Али Хоманаий қаторида бир неча йирик давлат амалдорлари йўқ қилинди. Айни пайтда, Дональд Трамп Эрон Прездиденти Масъуд Пезишкиёнга танлов имкониятини бериб, Эрон ҳудудига қўшин юборишга тайёрланмоқда”, дейди Рубио G7 давлатларининг Ташқи ишлар вазирларига қарата.

Бироқ у журналистларнинг “Эрон томони ҳам бу урушни келгуси 2 ҳафта ичида якунлашни тасдиқладими?”, деган саволига “Биз ҳали улардан жавоб олмадик. Аммо биздаги хабарларга кўра, Эрон томон ҳам келишувга тайёргарлик кўрмоқда. Биз улар билан кимлар орқали қаерда гаплашишимиз ҳақидаги саволларга аниқлик киритишларини кутмоқдамиз”, дея жавоб қайтарган.

Шу билан бирга, Трампнинг махсус вакили Стив Уиткофф ҳам бугун, 28 март куни Оқ уйдаги журналистлар билан учрашувда келгуси ҳафтада учрашувлар бўлишига “умид қилаётгани”ни айтди.

“Биз эронликларга 15 бандлик келишув юбордик. Ҳозирда улардан жавоб келишини кутяпмиз ва бу ҳаммасини ҳал қилади”, дейди Уиткофф.

Трамп ҳам кеча, 27 март куни журналистлар билан ўтказилган матбуот анжуманида Эрон ҳукуматига “имконият бериш” учун электр станцияларига ҳужумни тўхтатганини айтди.

“Эрон йўқ бўлиб бормоқда. Биз ҳозир улар билан гаплашяпмиз. Улар менга битим тузмоқчи эканликларини айтишди”, дейди Оқ уй раҳбари.

Эслатиб ўтамиз, жорий йилнинг 26 март куни АҚШ делегацияси ва воситачилар Эрон билан юқори даражадаги музокаралар ўтказиш масаласини муҳокама қилишаётгани, агар учрашув тасдиқланса, унда АҚШ вице-президенти Жей Ди Вэнс ҳам иштирок этиши мумкинлиги ҳақида хабар берилган эди.

Шунингдек, Трамп нима учун Эронга яна вақт бергалигини айтган эди. Унинг билдиришича, Эрон зарбаларни 7 кунга кечиктиришни сўраган, аммо у 10 кун муҳлат берган.