Украина Россия нефтьни қайта ишлаш қувватларининг 55 фоизини ишдан чиқарди – Зеленский
World
−
10:59 222 1 minute
Украина Мудофаа кучлари Россиянинг кескинликни пасайтиришдан бош тортишига жавобан мамлакатдаги нефтьни қайта ишлаш қувватларининг 55 фоиздан ортиғини ишдан чиқарди. Бу ҳақда Украина Президенти Владимир Зеленский Facebook’даги сахифасида маълум қилди.
Зеленскийнинг айтишича, Украина Қуролли кучлари бош қўмондони Михайло Драпатий кеча, 15 ноябрь куни унга, жумладан, Россияга қарши узоқ масофали зарбалар натижалари ҳақида ахборот берган.
Президент Украина деярли ҳар куни янги натижаларга эришаётганини таъкидлаб, ҳозиргача Россиянинг нефтьни қайта ишлаш қувватларининг 55 фоиздан ортиғи ишдан чиқарилганини билдирган.
“Бу Россиянинг кескинликни пасайтиришдан бош тортиши ва энергетика инфратузилмамизга берган зарбаларига муносиб жавобимиз”, деган Зеленский.
Аввалроқ, Украина Мудофаа вазирлиги Россия нефть инфратузилмасига узоқ масофали зарбалар беришдан кўзланган асосий натижа ишлаб чиқариш, ички таъминот ва экспортга бир вақтнинг ўзида босим ўтказиш бўлганини маълум қилганди.
Эслатиб ўтамиз, аввалроқ Украина дронлари Россиянинг Ленинград вилоятидаги Кириши шаҳрига ҳужум қилган эди. Ҳужумдан сўнг Россиядаги энг йирик нефтьни қайта ишлаш заводларидан бири – “Киришинефтеоргсинтез”да ёнғин чиққан.
Live
All15 November
Zangiotadagi binoda yong'in chiqdi
15 November
Sudan armiyasi nazoratni qayta tikladi
15 November