Украина кучлари Бахмут йўналишида 3 км. кв. ҳудудни озод қилди
Олам
−
04 Сентябрь 2023 6533
Украина қўшинлари ўтган ҳафтада Бахмут йўналишида 3 километр квадрат ҳудудни озод қилди. Умумий ҳисобда Бахмут яқинида 47 километр квадрат ҳудуд озод қилинган. Бу ҳақда Украина Мудофаа вазири ўринбосари Анна Маляр маълум қилди.
“Бахмут йўналишида душман қўшинларимизнинг олдинга силжишини тўхтатиш учун мудофаа операциялари ўтказмоқда ва Донецк вилоятидаги Клесчеевка, Курдюмовка, Озаряновка ҳудудларидаги йўқолган позициясини тиклашга уринишларини муваффақиятсиз амалга оширмоқда”, деб ёзади Маляр.
Шунингдек, у Клешеевка ҳудудида маълум муваффақиятлар борлигини таъкидлаган.
“Купянск йўналишида мудофаа кучларимиз бир кунда душманнинг бир нечта ҳужумларини қайтаряпти ва уларнинг олдинга силжишига йўл қўймаяпти, бироқ россияликлар томонидан ҳужумлар сони юқорилигича қолмоқда”, дейди вазир ўринбосари.
Унинг сўзларига кўра, Россия кучлари Лиман йўналишида қўшинларини қайта тўплаяпти. Авдеевка ва Марьин йўналишларида Россия армияси ўзининг тактик позицияларини яхшилаш учун олдинга силжишга ҳаракат қилмоқда.
Live
Барчаси
