Украина Гаагадаги НАТО саммитига таклиф қилинди

Украина 24-25 июнь кунлари Гаагада бўлиб ўтадиган НАТО саммитига таклиф қилинди. Бу ҳақда кеча, 2 июнь куни Украина Президенти Владимир Зеленский журналистлар билан суҳбат чоғида маълум қилди.

“Биз НАТО Бош котиби билан учрашдик. Бизни НАТО саммитига таклиф қилишди. Менимча, бу муҳим. Энди вазир (Украина Ташқи ишлар вазири Андрей) Сибига ўз ҳамкасблари билан инфратузилма ва Гаагадаги ушбу саммитдан қандай натижаларга эришиш мумкинлиги ҳақида гаплашади”,  деди Зеленский.

Зеленский, шунингдек, Туркия Президенти Ражаб Тойиб Эрдўғаннинг Оқ уй раҳбари Дональд Трамп, Россия Президенти Владимир Путин ва Украина давлати раҳбари ўртасида учрашув ташкил этиш ҳақидаги таклифини қўллаб-қувватлашини айтди. 

“Туркия Президенти Эрдўған билан суҳбатлашдим. Ҳақиқатан ҳам, у тўртта етакчи – у, Америка Президенти, Путин ва мен учрашувимиз бўлса, ўзимни қандай ҳис қилишим ҳақида сигнал берди. Мен унга раҳбарлар даражасидаги учрашувни қўллаб-қувватлашимни айтдим, чунки менда бизнинг учрашувимизсиз сулҳ бўлмайди деган таассурот бор”, деди Украина Президенти.

Кеча, 2 июнь куни Истанбулда Чираған саройида бўлиб ўтган тинчлик музокараларининг иккинчи босқичи бўлиб ўтди. Россия делегациясига Президент ёрдамчиси Владимир Мединский,  Украина томонига Мудофаа вазири Рустам Умаров бошчилик қилди. Учрашув ёпиқ форматда ўтказилди.