Трамп ўлдириб кетилган режессёрни ҳам тинч қўймаяпти

АҚШ Президенти Дональд Трамп ўзининг кескин танқидчиси, яқинда ваҳшиёна ўлдирилган Голливуд режиссёри Роб Рaйнерга қарши танқидий ҳужумини яна бир бор такрорлади. Бу ҳақда BBC хабар берди.

Нашрга кўра, Дональд Трамп журналистларга берган интервьюсида режиссёр Рaйнер АҚШ учун кераксиз шахс бўлганини таъкидлади. У бундан аввалроқ Truth Social ижтимоий тармоғидаги постида Рaйнернинг ўлимини “Трампнинг телбалик синдроми” билан боғлаган эди.

Трампнинг бундай кескин сўзлари ҳатто унинг партиядошлари, яъни республикачилар орасида ҳам норозиликка сабаб бўлди.

“Роб Рaйнер ҳақида қандай фикрда бўлишингиздан қатъий назар, яқинда ваҳшиёна ўлдирилган одам ҳақида гапларингиз ноўрин ва ҳурматсизликдан нишонадир”, деб ёзди Кентукки вакили Томас Месси Х саҳифасида.

Роб Рaйнер ва унинг рафиқаси Мишель Рaйнер Лос-Анжелесдаги уйларида ўлик ҳолда топилган ва полиция уларнинг ўғли Никни қотилликда гумон қилиб ҳибсга олган. Ҳозирча полиция жиноят мотиви ёки режиссёрнинг сиёсий фаолияти бунга алоқадорлиги ҳақида ҳеч қандай далил топмаган.

“Доно инсон қачон жим туришни яхши билади. Трамп бу вазиятда ҳеч нарса демаслиги керак эди. Бундай гаплар унинг сиёсий ютуқларидан чалғитади”, деди Луизианадан бўлган республикачи сенатор Жон Кеннеди Трампнинг ҳаракатларини очиқча танқид қилиб. 

Эслатиб ўтамиз, 14 декабрь куни америкалик актёр ва режиссёр Роб Райнер ҳамда унинг рафиқаси Мишель Лос-Анжелесдаги уйида ўлик ҳолда топилганди.

Нигора Махаммадиева