Миллатимиз иллатлари. “Миллий тикланиш” мушоҳадага чақиради!

Ўзбекнинг тўйлари ҳақида гап кетганда маънавий таназзул ибораси тилга олинадиган бўлиб қолгани бежиз эмас.

Куч, бирлик, тараққиёт дастурхонда ёки тўйда эмас, балки илмда, тарбияда эканини кўпчилик билиб турса-да, исроф балосидан, қадриятсизлик иллатидан узоқлаша олинмаяпти. 

“Миллий тикланиш” демократик партияси бу борада мушоҳадага чақирди.

“Ҳатто хорижда меҳнат қилиб, оғриқли шароитда пул топсак-да, дабдабали тўйлар қилиб, бир кечада йиллаб йиққан маблағимизни шамолга учиряпмиз. Тўйдан кейин ҳатто чилласи чиқмаган жуфти ҳалолини ташлаб, бир уюм қарз билан яна хорижга кетаётганларимиз қанча? Ота-боболаримиздан мерос бўлиб келаётган ушбу иллат шунчалар газак олдики, энди уни қуруқ даъват, чақириғу танбеҳлар билан даволаб бўлмаслигини тушуниб етдик чоғи... Бас, шундай экан бизни бу йўлдан қайтара оладиган кучли чора керак. Бошқача айтганда, андиша йўлини тўса оладиган, хою ҳавас юзидаги ғижимланган пардани олиб ташлаб, исроф, иллат олдида беш қўлни ҳам тенг кўрадиган қонун керак бизга! Унинг талабига қарши борганлар эса жазо муқаррар эканини ҳис этсинлар! Акс ҳолда яна юз йилдан кейин ҳамжадидлардан иқтибос келтириб, надомат кўчасида сарсону саргардон юраверамиз!” дейилади партия хабарида.

Telegram | YouTube