Туркиядаги зилзилада қанча марказий осиёлик ҳалок бўлди ва жароҳатланди?

Жорий йилнинг 6 февраль куни Туркиянинг жануби-шарқида 7,4 (баъзи манбаларда 7,9) магнитудали кучли зилзила содир бўлди. Охирги маълумотларга кўра, Туркияда 18 342 нафар шахс зилзила оқибатида вафот этди. Шунингдек, Сурияда эса 3162 нафар одам ҳалок бўлди, 5235 киши жароҳат олди. Туркиядаги зилзилада қанча марказий осиёлик ҳалок бўлгани ва жароҳатлани ҳақидаги маълумотлар очиқланди. Бу ҳақда “Central Asia” хабар берди.

Қозоғистон

Қозоғистон Ташқи ишлар вазирлиги маълумотларига кўра, Туркияда камида 75 минг қозоғистонлик бўлиши мумкин. Қозоғистон фуқаролари жойлашгани айтилаётган вайроналарни демонтаж қилиш бошланди. Ҳозирча мамлакат Ташқи ишлар вазирлигидан аниқ маълумот олинмаган.

Аммо тасдиқланмаган маълумотларга кўра, Қозоғистоннинг бир фуқароси ҳалок бўлган – у Хатай вилоятида вайрон бўлган уй вайроналари остидан топилган.

Бугун маълум бўлишича, Антакя шаҳрида икки қозоғистонлик – Мирус Курмашев ва Адил Қодирбеков жойлашгани айтилаётган вайроналарни демонтаж қилишга киришган. Кеча эса қозоғистонлик аёллардан бири Сабина Мамадярова қутқариб қолинган.

Қирғизистон

Қирғизистон Республикаси Ташқи ишлар вазирлиги маълумотларига кўра, Туркиядаги зилзила зонасидан олти нафар қирғизистонлик (аввалроқ 22 нафар шахс) эвакуация қилинган. 9 февраль куни улар махсус самолётда Ғозиантеп шаҳридан Тошкентга учиб кетган. Расмий маълумотларга кўра, қурбонлар йўқ.

Ўзбекистон

Туркияда олиб борилган қидирув-қутқарув ишлари давомида қутқарувчилар вайроналар остидан 3 нафар ўзбекистонликни қутқариб олди. Қутқарувчилар Ҳатай вилоятида чирчиқлик 41 ёшли Асал Шотирбековани вайроналар остидан олиб чиқиб кетди. Унга тегишли ёрдам берилди. 

Шунингдек, Малатя вилоятида 27 ёшли Акрамжон Ҳошимов топилган.

Бундан ташқари, Қаҳрамонмараш вилоятида вайроналар остидан яна бир Ўзбекистон фуқароси Рашид Бойбеков топилган. Ҳозирда у шифохонада. 

Тожикистон

Тожикистон элчихонаси маълумотларига кўра, Туркиядаги зилзила оқибатида жабрланган тожикистонликлар ҳақида маълумот аниқланмаган. 

Туркманистон

Зилзила оқибатида ҳалок бўлган ва жабрланган Туркманистон фуқаролари ҳақида аниқ маълумотлар йўқ.

Ижтимоий тармоқларда бедарак йўқолган бир неча талабалар ҳақида маълумотлар тарқалмоқда: Назар Кемалов, Руслан Хуммедов, Арслан Бабаев.