Туркияда қулаган биноларни қуришда иштирок этган 160 киши ҳибсга олинди

Туркиядаги зилзилаларда қулаган турар-жой бинолари иши бўйича 160 киши ҳибсга олинди. Бу ҳақда “Анадолу” агентлиги хабар берди.

Табиий офат зонасида жойлашган вилоятлар прокуратураси қарорлари билан 6 февралдан бери вайрон бўлган бинолар қурилишига алоқадорликда гумон қилинган жами 564 нафар шахс қўлга олинган. 

Кейинчалик ҳибсга олинганларнинг 160 нафари ҳибсга олинди, 175 нафар гумонланувчи эса суд назоратига олинди. 

Бундан ташқари, 71 нафар гумонланувчини ҳибсга олиш ва 61 нафар ушлаш учун ордер берилди. 

Табиий офат ҳудудидаги ўғирлик ҳолатлари юзасидан прокуратура томонидан тергов ҳаракатлари олиб борилмоқда.

Эслатиб ўтамиз, 6 февраль куни Туркияда 7 баллдан ортиқ (маҳаллий вақт билан соат 04:17 да – 7,7 балл ва соат 13:24 да – 7,6 балл) бўлган иккита зилзила содир бўлди. 

Президент Ражаб Тойиб Эрдўған табиий офат минглаб қурбонлар берилгани муносабати билан етти кунлик миллий мотам эълон қилди. Туркия давлат байроқлари бутун мамлакат бўйлаб яримга ҳилпиратилди. 

Вайронкор зилзила қўшни мамлакатларда, жумладан Сурия, Ливан, Шимолий Кипр Турк Республикаси, Кипр Республикаси ва Ироқда ҳам сезилди.

Айни вақтда қурбонлар 42 минг 310 нафарни ташкил этмоқда.