Трамп сайловда ғалаба қозонса, Путин билан тил топишишга умид қилмоқда
Олам
−
13 Август 2024 3395 1 дақиқа
Республикачилар партиясидан президентликка номзод Дональд Трамп АҚШдаги сайловларда ғалаба қозонса, Россия Президенти Владимир Путин билан яна тил топишишга умид қилишини айтди. Бу ҳақда у кеча, 12 август куни Х ижтимоий тармоғи эгаси Илон Маскка берган интервьюсида айтди.
“Умид қиламанки, биз у билан яна тил топишамиз. Биласизми, у билан тил топишиш ёмон эмас, яхши нарса бўларди”, дейди Трамп.
Сиёсатчи, шунингдек, Россия раҳбари “яхши музокарачи” эканини, Американинг амалдаги Президенти Жо Байден эса “паст IQ”га эга эканини ва Украинанинг НАТОга кириши мумкинлигини тан олганида сафсаталарни айтганини таъкидлади.
Трампнинг сўзларига кўра, ҳозир АҚШни ҳеч ким ҳурмат қилмайди.
“Мамлакатимиз ҳозир шундай ёмон аҳволда”, дейди у.
Шунингдек, Трамп унинг ҳукмронлиги даврида Украина ва Ғазо секторидаги можаролар рўй бермаган бўлишини яна бир бор такрорлади.
Live
Барчаси
