Тошкентдаги банкоматлардан 2,3 млрд сўм ўзлаштирган банк ходимлари ушланди
Жамият
−
24 Февраль 2021 11568
Тошкентда банкоматларга жойлаштириш учун ажратилган нақд пулларни ўзлаштирган “шоввозлар”га нисбатан жиноят иши қўзғатилди. Бу ҳақда Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаменти хабар бермоқда.
Бош прокуратура ҳузуридаги Департаментнинг Тошкент шаҳар бошқармаси томонидан АТ “Халқ банки” Чилонзор филиали мурожаатига асосан ўтказилган терговга қадар текширувда, филиалнинг хизмат кўрсатиш қурилмалари билан ишлаш бўйича бош мутахассиси Ж.М. ва бошқалар олдиндан тил бириктириб, филиалнинг тумандаги 18 та банкоматидан 7 ой давомида жами 2,3 млрд сўм нақд пулни ўзлаштириш йўли билан талон-торож қилганликлари аниқланган.
Мазкур ҳолат юзасидан Ж.М. ва бошқаларга нисбатан Жиноят кодексининг 167-моддаси 3-қисми билан жиноят иши қўзғатилиб, тергов ҳаракатлари ўтказилмоқда.
Live
БарчасиБухорода Ғиждувон деҳқон бозори ёнмоқда.
14 Декабрь