Тошкентда метро бекатининг томи қулаб тушди (видео)
Жамият
−
16:30 4694 1 дақиқа
Бугун, 16 июль куни Тошкент метросининг “Турон” метро бекатида том конструкциясининг бир қисми қулаб тушди. Оқибатда икки нафар йўловчи тан жароҳати олди. Бу ҳақда “Тошкент метрополитени” ДУК хабар берди.
Қайд этилишича, ҳодиса соат 14:34 да содир бўлган. Ҳаракат хавфсизлигини таъминлаш мақсадида мазкур бекатда метро поездлари ҳаракати зудлик билан вақтинча тўхтатилган. Жароҳатланган икки нафар йўловчига воқеа жойининг ўзида биринчи тиббий ёрдам кўрсатилган.
Билдирилишича, ҳозирда мутахассислар томонидан ҳодиса юзасидан техник ўрганиш ишлари олиб борилмоқда ҳамда аниқланган камчиликларни бартараф этиш чоралари кўрилмоқда.
Шунингдек, “Қипчоқ” ва “Қурувчилар” метро бекатлари оралиғида бепул метробуслар ҳаракати йўлга қўйилган.
Live
Барчаси
