Тошкентда кўп қаватли уй томига “участка” қурилгани аниқланди (фото)

Жамият

−

16 Февраль 2023 visibility36008 timer1 дақиқа

Тошкент шаҳрининг Янгиҳаёт туманида “Янги турмуш” маҳалласида жойлашган 2021 йил қуриб битказилган кўп қаватли турар-жой биносининг том қисмида ноқонуний равишда қўшимча уй қурилгани аниқланди. Бу ҳақда Қурилиш ва уй-жой коммунал хўжалиги вазирлиги хабар берди.

Қайд этилишича, мазкур уйга хизмат кўрсатувчи бошқарув ташкилотларининг бир неча бор огоҳлантиришлари ҳам мулкдорларни ушбу фикрдан қайтармаган.

“Айни дақиқаларда мулкдорларга нисбатан маъмурий чора кўрилиб, ноқонуний қурилмаларни 15 кун ичида бартараф этиш бўйича кўрсатмалар берилмоқда”, дейилади хабарда.