Тарихдаги энг яхши мундиаллар рейтинги тузилди

“The Athletic” нашри тарихдаги энг яхши Жаҳон чемпионатлари рейтингини тузди. Унда 1970 йил Мексикада ўтказилган мундиаль барча даврларнинг энг яхши турнири сифатида эътироф этилди.

Нашрнинг қайд этишича, мазкур мусобақа Жаҳон чемпионатлари тарихида илк бор рангли тасвирда намойиш этилган.

Шунингдек, айнан шу турнирда биринчи марта футболчиларни алмаштиришга рухсат берилган ҳамда ҳакамлар сариқ ва қизил карточкалардан фойдаланган. Мусобақа финалда Бразилия Италияни 4:1 ҳисобида мағлуб этиб, ўзининг учинчи жаҳон чемпионлигини қўлга киритган.

Рейтингнинг кучли учлигидан 1982 ва 1986 йилги Жаҳон чемпионатлари ҳам жой олган. Кучли ўнталикка XXI асрда ўтказилган тўртта турнир киритилган. 2006 йил Германияда бўлиб ўтган мундиаль бешинчи, 2014 йил Бразилияда ўтказилган Жаҳон чемпионати еттинчи, 2018 йил Россия майдонларида ташкил этилган турнир тўққизинчи ўринни эгаллаган. 2026 йилги Жаҳон чемпионати эса “The Athletic” томонидан ўнинчи ўринга муносиб кўрилган.

Эслатиб ўтамиз, жорий йилги мундиаль финалида Испания терма жамоаси Аргентинани қўшимча вақтда 1:0 ҳисобида мағлуб этиб, ўз тарихида иккинчи марта жаҳон чемпионига айланган эди.